GURIT TENGAH WENGI

SUMELEHING ATI

Nalika langit sre katutup dening endahing wengi

Lintang-lintang katon cumlorot sinare

Amadhangi endahing wengi

Kembang-kembang katon mesem marang rembulan

Tangane ngawe sajak kemayu

Nduk cah ayu . .

Ing tengah sepining wengi iki

Bareng karo kaciptaning gurit iki

Aku sumeleh . .

Nyumelehake pengarepku marang tresnamu

Lan kawigatenmu sing semu

Saya nyethaake isining atimu

Yen kowe wus ora tresna marang sliraku

Wes cukup semene wae

Nadyan ati iki isih karep marang slirahmu 

                                                2 Juni 2012

GURIT TENGAH WENGI

ENDAHING KEKANCAN

Sumribit angin krasa ngelus kulit

Nalika mauk sriti bali ing pucuking cemara

Barengan karo tibaning banyu udan sore iki

Nganti tekaning wengi sing nyenyet

Tumetesing udan iki dadi saksining sliraku

Nalika kangening atiku marang kanca-kancaku

Nadyan wus kapisah dining ganasing jagad

Nadyan wus ambyar dening citane raga

Kanthi dalan kang wus padha mbok pilih

Cah ayu . . cah bagus . .

Namung siji sing dadi dongaku

Pepadang bakal tumeka

Anggawa kabar gembira

Nalika kita wis dadi manungsa

Dadi panguwasa jagad raya

                                                2 Juni 2012

GURIT TENGAH WENGI

PERPISAHAN

Kerliping lampu ig pinggir kutha iki

Nadyan wes ora katon endah

Katutup dening endahing sliramu

Nadyan ati iki krasa lara

Tumetesing luh ning pipimu

Namung nambah nelangsane ati

Nelangsane ati marang kaendahan suci

Nadyan aku ora lila ngeculake sliramu

Merga, Namung sliramu sing dadi pangestuku

Namung dongamu sing dadi sanguku

Nadyan iki wes dadi kahanane awakku

                                                        29 Mei 2012

GURIT TENGAH WENGI

TRESNA SEMU

Nduk cah ayu . .

Sak bait gurit iki daktulis,

Nalika langit kebak mendung

Katon semu lelaku kang wus kepungkur

Nalika dak sawang ayune sliramu

Namung siji itakonku

Apa iya ??

Jebul tresnamu cethek 

Kaya kali kang kebak padas

Ringkih kaya kayu gapuk

Garing kaya jati aking

Aku wes ora duwe pangarep-ngarep maneh marang sliramu

Kang wes gawe larane atiku

                                                        31 Mei 2012

GURIT TENGAH WENGI

SWARANING NALA

Ewunan aksara kang ketata

Ora bisa nggenteni rasa

Rasaning tresna ing jero nala

Kaya dene ngoyak playune maruta

Nalika asih wis ora setya

Nalika tresna wis ngobong nala

Ati iki mung bisa nywara

Wenehana wangsulan sing cetha

Supaya ati ora ngumbar cubriya

Nuding kasih kang ora setya

                                        28 Mei 2012

GURIT TENGAH WENGI

TATUNING ATI

Cah ayu . .

Delenga rembulan kang katutup mega

Kang nuwuhake rasa sumumpel ing dhadha

Kertas sesuwek iki

Isi tatuning atiku

Gambaraning kethering lathiku

Nduk cah ayu . .

Kertas sesuwek iki

Dadia kacaning atimu

Kang bisa nutupi laraning atiku

Sewu rasa kang ilang

Bareng karo ilange sliramu

                                                30 Mei 2012 

GURIT TENGAH WENGI

TEMBANG-TEMBANG  KATRESNAN

Ing pinggir alun-alun kutha iki

Aku lan sliramu tansah gegojegan

Ndongeng crita katresnan

Nalika tembang-tembang tresna,

Dadi panglipur ati kang bingung

Nalika tembang-tembang tresna,

Bisa ngregani ati kang suwung

Cumloroting lampu kang menjila

Tuwuh ngrembaka ing rasa tresna

Mung siji pitakonku ??

Duh bocah ayu . .

Apa bisa sliramu dadi duwekku

                                                30 Mei 2012